(NADZOM BAHASA SUNDA) TINGKAH LAKU DORAKA

اَلسَّلا مُ عَليَْْكُمْ وَرَحْمَةُ اللهِ وَبَرَ كَا تُه

لم تظهر الفاحشة فى قوم قط حتى يعلنوا بهاالا فشافيهم الطاعون

والاوجاع التى لم تكن مضت فى اسلا فهم (روه ابن ماجه)

Lamun perjinahan,pelacuran geus jadi kabiasaan di lampahken ku hiji kaom kalawan trang trangan,pasti bakal nyaliara panyakit panyakit tho`un jeung rupa – rupa panyakit sejen na anu teu acan pernah kajadian ti samemehna.(H.R Ibnu Majah) 

 

1.Salamna kawilujengan                  Kasadaya ihwan-ihwan

   Nulalajo imtihanan                        Anu nuju dipayunan

2.Sim abdi rek ikut campur              Ngaramekeun iyeu lemur

   Sanajan ngadegdeg tu'ur               Rerempodan kana Cuhcur

3.Nangtung asa singsireumeun         Retep kana roromeheun

   Nyarita oge maksakeun                Bakat hayang ngaramekeun

4.Cicing asa henteu bener               Awak asa arek hiber

   Leungeun asa ngageleter              Asa arek utah uger

5.Abdi murid pang ageungna           ageung dina sagalana

   Dina pangalaman nana                  Pait amis tos ngarasa

6.Tos jadi sabulubulu                       Kelek oge atos bau

   Atos jebrag kana suku                 Buta tulang butak hulu

7.Simabdi bade ngelingan               Kasadaya kaamanan

   Bisi aya perjinahan                       Perkosaan pembunuhan

8.Kahade masing aringis                 Bisi ka hentepan iblis

  Teu kaop ningal nu geulis              Inung sukuna  muringis

9.Teu hilap bade mieling                 Hususna kanu disamping

   Kade katingli pingping                 bisi nu pamuda nyaring

10.Hususna kapara istri                 Kudu bisa jaga diri

   Tutup orat masing buni                Dina tingkah masing nyari

11.Aya hiji gadis donto                  Nu di sebut barang jago

   Loba tingkah olo-olo                  Persis budak oroleho

12.Bujurna di centok-centok         Buleud jiga kuya batok

   Kawas nincak eeh kotok            Gualgeol siga kokok

13.Tingkah laku sing walagri          Serasi jeung harga diri

   Pakaian kudu Islami                   Ulah hayang nyiliwuri

14.Oge ka para pamuda                Kade sing bisa ngajaga

   Dirina jeung orangtua                 Salametkeun daerahna  

15.Laku lampah masing bener       ulah kawas nu teu cageur

  Sing inget loba nu ngincer            Bisi katewak kubuser

16.Belah katuhu ayana                 Eta ladar  nu ges Nyata

   Malikat Rokib ngaranna            Nulisken amal hadena

17.Kitu dei belah kenca               Malaikat atid ngarana                

  percis Saperti  kamera               Nulisken amal gorengna

           

18.Ulah pedah keur sorangan       Rasa moal kanyahoan              

      Wani ngalanggar aturan          Nu dilarang ku pangeran

19.Tah sakitu ti sim abdi               Mieling diri pribadi     

     Kasadaya para istri                 Pamuda jeung palawargi                       

20.Saninten buah saninten            Ayana diparatan 

      Hapunten abdi hapunten         Bilih aya kalepatan

       

     اَلسَّلا مُ عَليَْْكُمْ وَرَحْمَةُ اللهِ وَبَرَ كَا تُه